Down Vigo participa no Campus Oportunidades para a Inclusión 2021 de Down España
A realidade da inserción laboral de persoas coa síndrome de Down e discapacidade intelectual está composta de logros e nome propios: os das persoas que consiguen un traballo e os das empresas que apoian e apostan por este modelo de emprego.
A Asociación Down Pontevedra “Xuntos”, a través do seu programa de “Emprego con Apoio” ven realizando un importante labor de inserción laboral de persoas con discapacidade e de prospección de empresas, sumando cada vez máis entidades que fan realidade que o esforzo destes xoves se reflicta na sociedade a través da súa incorporación no mundo laboral, amosando o seu apoio e confianza nas capacidades destes traballadores/as. No mes de febreiro, descata a incorporación de Alba á biblioteca do Campus de Pontevedra, a través dun convenio de prácticas laboráis coa Universidade de Vigo. Tamén este mes, Supermercados Moldes contratou para Multicentro a Helga, unha xove con experiencia laboral, que agora desempeña o posto de repoñedora de supermercado. Así son xa 3 as persoas que actualmente ten contratadas a xornada parcial esta empresa no posto de reposición. Outro supermercado colaborador é Distribuciones Froiz, que contou na campaña navideña, como ven facendo nos últimos anos, con 2 usuarios do programa “Emprego don Apoio”, Lucía e Víctor, que se encargaron da elaboración dos lotes e cestas de nadal. Pola súa parte, Grupo Ballesol, Residenciasa da 3ª Idade, é outra das entidades que, desde o pasado mes de novembro, incorpora á súa plantilla a Carmen, que acude cada mañá a desempeñar o seu posto de auxiliar de limpeza cun contrato anual a xornada parcial no centro residencial ubicado en Poio. Outro exemplo é Carlos, un mozo de 26 anos, que actualmente está contratado na Misión Biolóxica de Galicia (CSIC) a xornada parcial, levando a cabo as funcións propias do posto de peón agrícola. Carlos está especialmente satisfeito co seu posto, xa que o traballo que desempeña é unha das súas preferencias profesionales..
Entradas relacionadas
