Down Coruña inaugura “El Quiosco de Down Experience” na Praza de Ourense da cidade herculina
No pasado exercicio 2011, as sete entidades que conforman o Movemento Down Galicia fixeron posible que 129 persoas coa síndrome de Down e/ou discapacidade intelectual contaran alo menos cun contrato de traballo ou cunha práctica laboral. Este dato supón un incremento do 5,7% con respecto ao ano 2010, destacando que o 41,5% das contratacións se corresponden con contratos indefinidos.
Este dato resulta particularmente salientable no contexto de crise económica actual, no que a pesares da destrución de postos de traballo a nivel xeral e do baixo índice de contratación de persoas con discapacidade intelectual a nivel estatal, o modelo implementado desde o Movemento Down Galicia desde o ano 2002 para acadar a plena inclusión socio-laboral destas persoas, está a producir resultados positivos que se incrementan ano tras ano. A metodoloxía Emprego con Apoio Emprego con Apoio é un programa deseñado para atender especificamente as necesidades e barreiras que as persoas coa síndrome de Down e/ou discapacidade intelectual atopan á hora de intentar acceder ao mercado laboral ordinario. Este modelo baséase nun sistema estruturado de apoios e acompañamentos para guiar ás persoas demandantes de emprego a través de todo o proceso de inserción socio-laboral e asegurar a súa correcta incorporación ao posto de traballo. Deste xeito, as persoas que se incorporan a un posto, contan co apoio dun preparador laboral encargado de levar a cabo unha formación específica no propio posto de traballo, desenvolvendo estratexias de aprendizaxe para que o traballador poida ir adquirindo progresivamente unha adecuada execución das tarefas. O apoio tamén se centra na potenciación da interacción social cos compañeiros de traballo e na mediación na relación con eles para que se desenvolva de xeito positivo e natural. Paralelamente, as entidades Down realizan un labor de prospección laboral co fin de dar a coñecer esta iniciativa entre o tecido empresarial e acadar a súa colaboración no que se refire a inclusións socio-laborais deste colectivo por medio de contratos e/ou prácticas laborais. Neste sentido, a participación e a cada vez maior presenza das persoas con discapacidade intelectual nas empresas ordinarias contribúe de xeito eficaz a desterrar os tópicos que tradicionalmente se lles atribúe a este colectivo, resultando un xeito sumamente eficaz de integración social. Contribúe, así mesmo, a propiciar un cambio de visión, de persoa con discapacidade a traballador, constatándose unha importante implicación dos compañeiros e compañeiras na aceptación da diversidade. Outro dato salientable é que, grazas ao éxito desta iniciativa, cada vez máis empresas que se comprometen con este programa teñen coñecemento previo do traballo que se está levando a cabo a través doutras empresas que xa están colaborando co mesmo, feito que se atribúe aos bos resultados do servizo, aumentando a confianza na metodoloxía “emprego con apoio” como unha vía válida para a inserción socio-laboral das persoas con discapacidade intelectual. Áreas xeográficas O Movemento Down Galicia está conformado por sete entidades especializadas na atención ás persoas coa síndrome de Down e/ou discapacidade intelectual con sede en sete cidades galegas: Ferrol, A Coruña, Santiago de Compostela, Lugo, Ourense, Vigo e Pontevedra. Aínda que a maior parte das insercións laborais se producen nestas cidades, tamén se atende a concellos que corresponden ás súas áreas de influenza, ben por ser lugar de orixe dos participantes neste programa, ben porque as condicións de transporte público permiten o seu desprazamento de xeito autónomo. Así, no pasado ano parte das insercións laborais tiveron lugar en localidades como Sarria, Ribadeo, Betanzos, Narón, Ares, Rianxo, Ames, Porriño, Cangas, Baiona, Redondela, Cambados, Cuntis, Poio, Marín ou Vilaboa..
Entradas relacionadas
