Down Galicia e Clece alíanse para promover a inclusión laboral das persoas con discapacidade intelectual
Torrado-Centro de Recuperación contrata a un mozo do Programa de Emprego con Apoio da entidade Down Pontevedra “Xuntos”. Miguel, que se formou na Academia Galega de Masaxe, accede a este posto de traballo despois dun período de prácticas demostrando as súas habilidades. Miguel é membro de Down Pontevedra “Xuntos” e usuario do Programa de Emprego con Apoio, mediante o que se promove a inserción laboral de persoas con diversidade funcional na empresa ordinaria. A través deste programa os usuarios e usuarias cada día asisten a unha formación en habilidades sociolaborais para formarse e, posteriormente, poder desempeñar un posto de traballo adaptado ao seu perfil, acompañado nos seus primeiros momentos da figura do preparador laboral, quen estará a cargo da formación na empresa prestando apoio in situ no posto de traballo. Grazas a empresas como Torrado-Centro de Recuperación, estes mozos teñen a oportunidade de demostrar que é posible a inclusión de persoas coa Síndrome de Down no mundo laboral.
Entradas relacionadas
