Esta mañá asinouse por segundo ano consecutivo, un convenio entre a Asociación Down Coruña, Repsol Petróleo S.A. e o Club Básquet Coruña nas instalacións da Refinería. As tres institucións, representadas por Luis Felipe Llamas, director da Refinería, Manuel Álvarez, presidente de Down Coruña, e Carlos Lamora, presidente de Básquet Coruña, renovaron o acordo de colaboración con obxecto de desenvolver diferentes actividades encamiñadas a potenciar a integración de persoas con diferentes tipos de discapacidade. En concreto o proxecto permitirá dotar de 10 bolsas a dez persoas con diferentes tipos de discapacidade para que poidan participar no Campus de Verán que o Club Básquet Coruña ten programado durante o mes de xullo e que inclúe un programa de reforzo de fundamento de baloncesto e un programa de actividades complementarias (excursións, Aula Net, escalada, orientación, obradoiro de manualidades, natación, tiro con arco, baile …) Esta actuación forma parte do Plan Anual de integración para persoas con capacidades diferentes que a Refinería ten deseñado no 2012 e que xa iniciara o pasado ano.