Risas, aplausos e moita música na estrea da nova obra do Grupo de teatro Down Compostela
O Grupo de Teatro de Down Compostela, composto por mozos coa síndrome de Down e discapacidade intelectual e dirixido por Lucas Herrador, estreará o próximo sábado, 30 de xuño, ás 21:00 horas, a obra “Fuenteovejuna” no Salón Teatro de Santiago de Compostela. O acceso á sala será libre, previa retirada da correspondente entrada nas billeteiras do Salón Teatro. Patrocinada por La Caixa, “Fuenteovejuna” é a cuarta obra que representa o Grupo de Teatro Down Compostela, despois da posta en escena de “Alicia no país das maravillas” (Auditorio de Galicia, 2009) e “Esopo e as súas fábulas” (Sala Nasa, 2010) e “Romeo e Julieta” (Sala Nasa, 2011). A billeteira do Salón Teatro abrirase ás 19:00 horas do mesmo sábado para que todos aqueles que desexen ver a obra poidan disfrutar dun espectáculo para o que os mozos de Down Compostela levan meses traballando en colaboración con alumnos do Ciclo de Animación Socio-Cultural de Pontepedriña baixo a dirección de Lucas Herrador. O director do grupo de teatro, Lucas Herrador, destaca que “despois de “Romeo e Julieta” nos aventuramos con “Fuenteovejuna”. Por suposto que tamén a versionamos, pero, que compañía de teatro non fai o mesmo con todos os textos? e máis nesta época de recortes e vacilacións. O que queremos destacar é que nós nos atrevemos a facela en verso, tal e como Lope de Vega a concibiu”. Herrador desataca que se elixiu esta obra porque “ademais de representar un reto: moitos cadros, gran número de personaxes, vestiario, o xa nomeado verso…interesábanos destacar o concepto de que “a unión fai a forza”, que todos xuntos podemos e debemos loitar contra a inxustiza, o despotismo e o abuso de poder. Ademais queremos demostrarnos e demostrarvos que os límites tan só os poñemos nós, que cando existe a vontade, encontramos o camiño”.
Entradas relacionadas
