Fundación Ibercaja colabora co programa Emprego Con Apoio para a inserción laboral das personas coa síndrome de Down
O Valedor do Pobo en funcións, José Julio Fernández Rodríguez, desprazouse esta mañá á sede da organización Down Galicia en Santiago. Nunha visita, que se prolongou durante unha hora, o alto comisionado parlamentario puido coñecer de primeira man os proxectos desta organización así como as súas necesidades. Durante o seu percorrido polas dependencias, José Julio Fernández estivo acompañado en todo momento por Delmiro Prieto, presidente de Down Galicia e por Juan Jesús Martínez López, que preside Down Compostela. O centro presta asistencia a persoas con síndrome de Down de todas as idades, principalmente de entre 15 e 25 anos. Con ocasión da visita, o Valedor do Pobo puido saudar aos participantes nun curso formativo e a un grupo de usuarios do aula de informática. Tras coñecer as instalacións, entre as que se atopa un xardín con invernadoiro que manteñen os alumnos, así como un pequeno apartamento piloto onde ensinarlles a vivir con autonomía, o titular da defensoría mantivo un encontro de traballo cos representantes da Federación no que trataron temas que lles preocupan, como é o caso da aplicación da Lei de Dependencia.
Entradas relacionadas
