A Asociación Down Lugo vén de celebrar a súa festa de Entroido a través da temática do emprego e a contorna laboral. Deste xeito, as persoas participantes debían escoller disfraces relativos a algún tipo de profesión que lles gustaría desenvolver como futuro laboral. Previamente ao comezo da festa adecuouse e decorouse o local para que estivera acorde ao evento. A festa comezou tras un pouco de baile, cunha merenda, aportada en gran parte polas familias, que colaboraron traendo gran variedade de produtos e doces típicos destas datas. Tras a merenda, os mozos e mozas fixeron un desfile de grupos de profesións no que amosaron os seus  disfraces, bailaron e se presentaron explicando a profesión da que ían disfrazados.