Down Galicia contrata a tres persoas desempregadas a través do Programa de Garantía Xuvenil
David Conde, director comercial da Territorial Noroeste de BBVA, fixo entrega deste premio a Delmiro Prieto, presidente de Down Galicia e deu a benvida aos 35 membros de Down Galicia que se incorporan ao programa de prácticas formativas na entidade bancaria grazas a este premio. “O Premio de Voluntarios de BBVA ao proxecto ‘Emprego con apoio”, da Federación Down Galicia, é un recoñecemento ao carácter humano e innovador deste proxecto, que permite a estas 35 persoas adquirir experiencia nun traballo administrativo e de equipo”, explicou o director comercial Territorial de BBVA. Os 35 membros de Down Galicia que se van incorporar ao programa de prácticas formativas de BBVA traballarán catro horas diarias durante un período de 1-2 meses, en actividades administrativas: arquivo e destrución de documentos, fotocopiar expedientes e documentacións diversas, ordenar fichas de firmas, arquivo de contratos y documentación xerada no día e tratamento de recibos, entre outras funcións. A experiencia adquirida en 23 oficinas de BBVA das áreas de Santiago (a oficina da rúa Senra acollerá a dous membros de Down Galicia), A Coruña (3 sucursais bancarias a outros tantos membros), Ferrol (4 oficinas), Ourense (2 oficinas), Lugo (3 sucursais), Pontevedra (1 oficina) e Vigo (9 sucursais bancarias), favoreceraos nas súas posibilidades de inserción laboral posterior.
Entradas relacionadas
