O Presidente da Deputación de A Coruña visita a sede de Down Compostela para coñecer as principais demandas da Fundación
A área de Apoio á Integración Escolar da Fundación Down Compostela é unha das dez iniciativas de Galicia que se financiarán a través dos premios Territorios Solidarios do BBVA. Á entrega do premio, celebrado no Hotel Hesperia Finisterre da Coruña, acudiru Marina, unha moza de 13 anos, acompañada polo presidente de Down Compostela, Juan Martínez, e pola madriña do proxecto, María del Carmen Barbeito. Os 10.000 euros do premio servirán para cubrir parte dos gastos da área de educación de Down Compostela, que inclúe tres programas de intervención directa: Logopedia, Lectoescritura e Desenvolvemento Cognitivo, así como o programa de Apoio á Integración Escolar, no que a entidade compostelá actúa como centro de recursos e asesoramento a todos os profesores dos centros que teñen entre o seu alumnado a nenos e mozos con trisomía 21. O programa de Apoio á Integración Escolar beneficia directamente aos 42 alumnos escolarizados en 35 centros educativos de 30 concellos da área de Compostela, que precisan metodoloxías adecuadas, técnicas de apoio e materiais adaptados para a súa formación.
Entradas relacionadas
