A refinería aporta no exercicio 2013 un total de 8.000 euros que serán destinados ao Programa “Emprego con Apoio”, mediante un convenio asinado polo director de Repsol na Coruña, Luis Llamas Gómez, e o presidente de Down Coruña, Manuel Álvarez Esmorís. En virtude deste acordo, mozos e mozas membro de Down Coruña poderán realizar na Refinería actividades formativas enfocadas aos perfís profesionais de Administrativo-Recepcionista ou Axudante de Informática. Luis Llamas destacou que “en Repsol estamos comprometidos en promover a igualdade e a diversidade en todas as nosas actividades e en facilitar a integración de persoas con capacidades diferentes”. Manuel Álvarez pola súa parte, subliñou a continuidade do compromiso da Refinería e agradeceu a oportunidade que representa para os mozos e mozas de Down Coruña esta experiencia formativa. Esta actuación enmárcase dentro do “Plan anual de Acción integral de Capacidades Diferentes”, que abarca distintos focos de actuación para a integración de persoas con capacidades diferentes nas actividades desenvolvidas por Repsol no seu complexo industrial na Coruña.