Down Galicia contrata 9 profesionais para postos técnicos da Federación ao abeiro dos Programas de Cooperación 2021-2022
A Fundación Inocente, Inocente achega 30.000 euros ao Proxecto de apoio a inclusión escolar de alumnos coa síndrome de Down e discapacidade intelectual que Down Galicia desenvolve a través das súas entidades membro. Esta achega económica da Fundación Inocente, Inocente vai encamiñada a acadar o maior grado de desenvolvemento e autonomía nos nenos e nenas coa síndrome de Down, a través da dinamización de experiencias educativas de calidade nos seus anos de escolarización. Este proxecto de apoio á inclusión escolar de Down Galicia trata de optimizar os recursos existentes e promover un alto nivel de colaboración entre os axentes educativos – escola, familia e asociación- co fin de coordinar as acciones educativas necesarias en cada contexto e de non deixar ningunha área de aprendizaxe sen abordar. O proxecto beneficia a 174 alumnos e alumnas coa síndrome de Down e/ou discapacidade intelectual membros das entidades Down, en idades comprendidas entre os 3 e os 21 años, e escolarizados na Comunidade Autónoma de Galicia en calquera das modalidades educativas. Entre outras actuacións que se levan a cabo con esta iniciativa destacan as seguintes: colaborar cos docentes aportándolles a información e o asesoramento específico en relación ás características cognitivas do alumnado coa síndrome de Down; aportar os materiais necesarios para a aplicación de novas estratexias metodolóxicas; servir de nexo e fío condutor entre o profesorado e informar sobre a traxectoria educativa destes alumnos e alumnas, co fin de dar continuidade o proceso educativo; e intervencións puntuais a demanda do profesorado para asesorar en temas cognitivos e de conduta.
Entradas relacionadas
