Asínase por terceiro ano consecutivo o convenio entre a Asociación Down Coruña, Repsol Petróleo S.A e o Club Básquet Coruña. As tres institucións, representadas por Luis Felipe Llamas, director da Refinería; Manuel Álvarez, presidente de Down Coruña e Carlos Lamora, presidente de Básquet Coruña, renovan este acordo de colaboración co obxecto de desenvolver actividades encamiñadas a potenciar a integración de persoas con diferentes tipos de discapacidade. En concreto, o proxecto contempla a dotación de bolsas para que oito mozos e mozas con diferentes tipos de discapacidade poidan participar no Campus de Verán que o Club Básquet Coruña ten programado durante o mes de xullo. Esta actuación forma parte do Plan Anual de Integración para persoas con capacidades diferentes que a Refinería ten deseñado para o presente ano..