Fundación Ibercaja colabora co programa Emprego Con Apoio para a inserción laboral das personas coa síndrome de Down
A secretaria xeral de Igualdade, Susana López Abella, mantivo unha xuntanza co presidente da Federación Galega de Institucións para a síndrome de Down- Down Galicia, Delmiro Prieto, con motivo de revisar as actividades realizadas por dita organización en colaboración con Igualdade, a favor da integración social e independencia das persoas coa síndrome de Down. López Abella lembrou que a Federación recibiu o pasado ano máis de 13.000 euros por parte da Secretaría Xeral de Igualdade para o financiamento de programas e actividade de integración e independencia. Dita axuda enmárcase dentro da orde de subvencións a entidades de iniciativa social sen ánimo de lucro, que convoca anualmente a Xunta de Galicia, cun orzamento global de 860.000 euros. Así mesmo, a titular de Igualdade interesouse polo proxecto sobre “Información, asesoramento e orientación laboral para mulleres con discapacidade intelectual ocupadas, despedidas e/ou mellora de emprego”, desenvolvido por Down Galicia. Visitas en A Coruña e Lugo Unha mostra máis do crecente interese da Xunta de Galicia a prol da integración das persoas coa síndrome de Down son as visitas que nos últimos meses realizou a secretaria xeral de Igualdade ás sedes de Down Coruña e Down Lugo. Nestas visitas López Abella coñeceu de primeira man as actividades que realiza a entidade para a mellora da autonomía persoal e da calidade de vida das persoas coa síndrome de Down.
Entradas relacionadas
