Down Galicia solicita que se inclúa ás persoas coa síndrome de Down nos grupos prioritarios de vacinación contra a COVID-19
Down Galicia celebrou o pasado día 19 de setembro unha xornada de sensibilización sobre a metodoloxía da aprendizaxe cooperativa. Un acto que serviu tamén como clausura ao período de formación promovido por Down Galicia desde o ano 2011 e no que participaron mestres da Consellería de Educación e técnicos das entidades Down. Os 50 asistentes á xornada puideron escoitar como a responsable de educación en Down Ferrol – Teima repasaba o recorrido de Down Galicia nos dous anos nos que se desenvolveu este proxecto formativo e presentaba brevemente os resultados obtidos. Por outra parte, nesta xornada tamén se contou co asesoramento dunha experta na metodoloxía de aprendizaxe cooperativa, que tratou de explicarlles aos mestres e mestras alí presentes o procedemento a seguir para poder dar continuidade a este proxecto de formación. Tras tres accións formativas homologadas pola Xunta, nas que Down Galicia asumiu a función de coordinadora, preténdese dar paso a unha nova etapa na que sexan os propios centros educativos os que soliciten esta formación a través da petición de grupos de traballo ós CEFOREs.
Entradas relacionadas
