O programa de Atención temperá de Down Galicia, unha das metas do 3º Solidarios non stop de BBVA AM
Trátase da 39 Xornada Corresponsables, un evento centrado na RSE na nosa comunidade autónoma, e que conta co apoio da Universidade de Santiago de Compostela, o Cergi e o Centro de Estudos e Documentación Europeos da USC. Participan as principais institucións e organizacións líderes no impulso da Responsabilidade Social co obxectivo de contribuír a impulsar aínda máis este sistema de xestión, a través da reflexión sobre as claves e os retos da RSE, prestando atención ás particularidades de Galicia. Down Galicia participará nunha mesa redonda na que diferentes grupos de interese analizarán o desenvolvemento da RSE. Nela participarán ademais o Centro de Estudos Europeos, o Consorcio da Zona Franca de Vigo, Dircom Galicia, e o Instituto Galego de Xestión para o Tercer Sector. A mesa estará moderada por Juan Piñeiro, director do Máster en Xestión y Comunicación da RSE da USC. A xornada contará con dúas mesas de debate máis. Na primeira delas, moderada por Ángel Fernández, director do CERGI, diferentes empresas como Gadisa, Gas Natural Fenosa, Reale Seguros, R Cable e Zeltia analizarán de qué maneira están integrando na súa xestión a RSE e como a están potenciando en Galicia. Na última mesa, moderada por Marta Pastor, socia consultora de AdaptaRSE, Cogami, N-Nova, Sacendi e a Xunta de Galicia dialogarán sobre o impulso da RSE en Galicia. A xornada terá lugar o martes 22 de outubro na Facultade de Dereito da USC en horario de 09:00h a 14:00h.
Entradas relacionadas
