O programa de Atención temperá de Down Galicia, unha das metas do 3º Solidarios non stop de BBVA AM
A Fundación Once achega 6.720 € ao proxecto de “Emprego con Apoio” que pon en marcha Down Galicia en colaboración coas súas entidades membro, de forma que persoas con discapacidade intelectual de toda a Comunidade Autónoma de Galicia conten cunha serie de apoios encamiñados a conseguir a súa inclusión no mercado laboral ordinario. Así, en virtude desta colaboración, un total de 27 persoas con discapacidade intelectual contaron con apoios para a busca activa de emprego, mentres que un total 44 persoas contaron con apoios en materia de mantemento do posto de traballo que ocupan en empresas ordinarias. o programa de “Emprego con Apoio” responde á reivindicación das persoas coa síndrome de Down ao seu dereito a traballar en contornas laborais normalizadas e dispoñer de recursos que lles permitan acadar maiores cotas de autonomía e independencia, tanto a nivel social como económico. Ademais, todos os beneficiarios do proxecto teñen por obxectivo acadar un traballo como unha forma de recoñecemento público básico para a construción dun rol social activo e participativo, así como a contribuír ao desenvolvemento da súa comunidade. Ponse a disposición das persoas coa síndrome de Down e discapacidade intelectual un sistema estruturado de apoio y acompañamento para guialas no proceso de inserción socio-laboral e asegurar a súa correcta incorporación e o mantemento do posto de traballo tanto na empresa privada como na pública. Desta forma, os usuarios que se incorporan a un posto, contan co apoio dun preparador laboral encargado de levar a cabo unha formación específica no propio posto de traballo, desenvolvendo estratexias de aprendizaxe para que o usuario poda ir adquirindo progresivamente unha adecuada execución das tareas. O apoio tamén se centra na potenciación da interacción social cos compañeiros de traballo e na mediación na relación con elos para que se desenvolva de forma positiva y natural
Entradas relacionadas
