Celebrada una nueva edición del Campeonato de Baristas Down de Galicia
Pretende ser un recoñecemento a todas as persoas que contribúen a mellorar a calidade de vida das persoas con discapacidade e “máis alá das súas obrigas profesionais, aportan o seu gran de area para facer realidade o soño das persoas con discapacidade e facilitarlles o seus día a día”, asegura o presidente de Down Compostela, Juan Martínez. Como recolle a presentación desta iniciativa de Down Compostela, “Este Calendario 2014 pretende ser unha pequena homenaxe aos implicados e implicadas que teñen moito que ensinar, cousas que dicir, alguén a quen coidar, algo que ofrecer ou experiencias que compartir. Quere ser un recoñecemento para os que, comprometéndose, están dispostos a aprender e sentir que hai outras formas de vivir ou, simplemente, recibir un sorriso sincero como recompensa polo seu traballo, desinteresado na maioría das ocasións”. Inclúe doce fotografías, todas elas feitas por Óscar Dacosta, na que se recollen imaxes das diferentes persoas homenaxeadas. Docentes, xornalistas, médicos, o primeiro equipo da SD Compostela, terapeutas, ex traballadoras e voluntarias acompañan a usuarios e usuarias da Fundación nun percorrido de doce meses. O presidente de Down Compostela, Juan Martínez, fai fincapé en que “grazas a os que aparecen neste calendario, e a outros moitos, as persoas coa síndrome de Down e discapacidade intelectual téñeno un pouco máis doado. Pero non é suficiente”. Por iso, insiste Martínez, “na Fundación Down Compostela seguimos traballando para superar as dificultades existentes, para mellorar a súa calidade de vida e axudarlles a demostrar todo o que son capaces de facer”.
Entradas relacionadas
