O Campionato Nacional de Baristas inclúe por vez primeira o Campionato de Baristas Down na súa 13ª edición
O presidente da Deputación da Coruña, Diego Calvo, o alcalde da cidade, Carlos Negreira e o presidente da Asociación Down Coruña, Manuel Álvarez, asinan un convenio para o financiamento das obras de adecuación do novo local en Pedralonga que o Concello cede á entidade, mediante una concesión gratuíta, por un prazo de 75 anos. O Obxectivo desta iniciativa é que as dúas Administracións financien a partes iguais as obras de construción dun novo local para a asociación, levantando un edificio e rehabilitando o xa existente na escola do barrio de Pedralonga. A execución da obra ascende a un total de 800.628€ correspondendo a cada unha das Administracións 400.314€. O presidente provincial, durante a presentación que tivo lugar no Concello coruñés, destacou a importancia que ten o proxecto para axudar ao traballo da Asociación que integra a máis de 80 familias e que supón un gran apoio para a estimulación e o desenvolvemento persoal das persoas coa síndrome de Down e outras discapacidades intelectuais. Manuel Álvarez, presidente de Down Coruña resaltou a implicación persoal tanto de Diego Calvo como de Carlos Negreira, xa que “ambos demostraron unha grande sensibilidade desde o momento no que lle trasladamos as nosas necesidades”.
Entradas relacionadas
