As entidades sociais continuarán pechadas ata que a Xunta de Galicia considere viable a súa reapertura
Coa axuda da Secretaría Xeral de Igualdade e do Fondo Social Europeo, DOWN GALICIA desenvolveu entre os meses de xaneiro e novembro de 2013 un proxecto de “información, asesoramento e orientación laboral para mulleres con discapacidade intelectual ocupadas, desempregadas e/ou mellora de emprego”. O número total de beneficiarias directas deste proxecto foi dun total de 56 mulleres con discapacidade intelectual e/ou síndrome de Down, maiores de 16 anos e localizadas en diferentes puntos da Comunidade Autónoma galega. Así mesmo, a modo de beneficiarias indirectas deste proxecto, destacamos ademais, as entidades do sector empresarial, as entidades do sector de discapacidade e, moi especialmente, as familias das beneficiarias directas. A través deste proxecto, tratouse de facilitar os recursos e apoios necesarios ás mulleres con discapacidade co fin de superar situacións de desigualdade no ámbito socio-laboral a través da información, formación e orientación laboral. Para iso, leváronse a cabo unha serie de actividades entre as que destacan: elaboración de materiais; avaliación das beneficiarias do proxecto; accións individuais de información, asesoramento, formación e orientación laboral: entrevistas de orientación; accións grupais de formación e orientación laboral; información, asesoramento e atención a consultas; e atención e intervención coas familias. En definitiva, tratouse de favorecer que as mulleres con discapacidade intelectual en xeral, e síndrome de Down en particular, adquiran as habilidades e recursos necesarios para enfrontarse á vida laboral dun modo eficaz.
Entradas relacionadas
