A capitana da selección española de fútbol, Verónica Boquete, visitou a Fundación Downn Compostela para oficializar a entrega de tres bolsas que permitirán a tres nenos e nenas asisitir ao III Campus de Fútbol que a xogadora compostelá organiza do 26 ao 28 de decembro na capital de Galicia. Vero Boquete estivo acompañada pola directora do campus, Uxía Parcero, quen asegurou que con esta iniciativa queren “abrir o campus a unha dimensión social e seguir apostando pola educación en valores”. O presidente de Down Compostela, Juan Martínez, agradeceu a Vero Boquete e a Uxía Parcero que dean a oportunidade a persoas coa síndrome de Down de practicar deporte “nunha situación totalmente normalizadora” e agradeceu que teñan pensado na Fundación para conceder estas tres bolsal, “que teñen vocación de futuro e se manterán para vindeiras edicións”, asegurou Boquete. O III Campus Vero Boquete está destinado a rapaces e rapazas de entre 6 e 18 anos que queiras “desenvolver e perfeccionar os fundamentos técnicos do fútbol, tanto colectivos como individuais”. Tanto Vero Boquete como Uxía Parcero aseguraron que queren facer deste campus “unha actividade normalizadora máis” para as persoas coa síndrome de Down.