A Xunta subvenciona a contratación de 10 persoas para postos técnicos da Federación durante o último período
A Deputación da Coruña colaborou, durante o exercicio 2013, con Down Galicia e as súas entidades membro cunha achega económica de 10.414,35 euros para o proxecto Emprego con Apoio. Grazas a esta axuda, puideron desenvolverse actuacións no ámbito da inserción laboral na empresa ordinaria que beneficiaron a un total de 54 mozos e mozas con discapacidade intelectual, especialmente coa síndrome de Down. Etas persoas pertencen ao grupo que forman parte da bolsa de emprego do servizo de Emprego con Apoio das entidades membro de Down Galicia da provincia da Coruña (Teima Down Ferrol, Down Coruña e Down Compostela). Tamén cabe destacar a modo de beneficiarios/as indirectos/as, os máis de 100 mozos e mozas que participan no proxecto de emprego con apoio da Comunidade Autónoma Galega, así coma as súas respectivas familias, xa que, ao tempo que unha persoa con discapacidade intelectual consigue entrar a formar parte do mercado de traballo ordinario, beneficiase o resto do colectivo de persoas con discapacidade, xa que a visibilización e sensibilización empresarial e social ante o colectivo que nos ocupa, é un éxito e un obxectivo común. A importancia deste proxecto reside no feito de que a integración laboral das persoas con discapacidade no sistema ordinario de traballo hoxe en día segue supoñendo un reto para a sociedade. Debemos ter en conta que ata hai uns anos, as persoas con síndrome de Down ou discapacidade psíquica en xeral, mantivéronse á marxe de toda actividade laboral competitiva e, por extensión, doutros moitos ámbitos da sociedade. A súa falta de formación específica, a ausencia de expectativas laborais e o descoñecemento doutras realidades, impedía que estas persoas se integrasen plenamente no mundo laboral.
Entradas relacionadas
