O Servizo de Orientación Laboral de Down Galicia atende a 252 persoas usuarias de entidades Down desenvolvendo máis dun milleiro de accións
A Deputación da Coruña destinou, no ano 2013, unha achega de 3.497,58 euros ao Proxecto de mellora e optimización dos recursos tecnolóxicos destinados á dinamización das actividades de Down Galicia e as súas entidades membros. En virtude desta achega, puideron actualizarse equipamentos informáticos, adquirir dispositivos audiovisuais adaptados ás novas metodoloxías educativas, así como sistemas de almacenaxe de datos acordes cos requisitos de seguridade e integridade das normativas vixentes. Acometeuse a necesaria actualización dalgúns postos de traballo, para facilitar o proceso de procura, procesamento e adaptación da información que se utiliza nas diferentes áreas. Tamén se adquiriron varios dispositivos destinados a mellorar o proceso de aprendizaxe das persoas coa síndrome de Down, que avanza de xeito significativo co emprego de recursos audiovisuais ao incrementar a súa receptividade e interese. Por último, incrementáronse os recursos destinados a almacenar información e realizar copias de seguridade, co obxecto de garantir a integridade dos datos persoais, de acordo coa lexislación vixente en materia de protección de datos.
Entradas relacionadas
