Dúas mozas do Movemento Down Galicia poñen voz a ‘Valentina’, a protagonista da película de animación nomeada aos Premios Goya
A Fundación Down Compostela pediu o apoio do colectivo de xuristas para conseguir “que a igualdade de dereitos teóricos das persoas coa Síndrome de Down se leve á práctica e a discapacidade non sexa motivo de discriminación legal”. A reivindicación de “dereitos efectivos para todos, non só no papel” fíxoa o presidente de Down Compostela, Juan Martínez, durante a recollida do Premio Dereitos Humanos outorgado á Fundación por parte do Colexio de Avogados de Santiago de Compostela. Juan Martínez agradeceu o recoñecemento outorgado á Fundación, “que leva 17 anos loitando pola igualdade de oportunidades”, para facer un chamamento ao colectivo de xuristas co fin de que acadar a súa implicación no recoñecemento práctico dos dereitos xudiciais das persoas coa síndrome de Down e rexeitar a “hipocrisía” existente a este respecto. O presidente da fundación compostelá subliñou a urxencia de incidir en aspectos xurídicos fundamentais como a necesidade de acadar os apoios necesarios para as persoas con discapacidade, fronte á súa incapacitación en aspectos básicos como o dereito ao voto, “cando a ningún de nós nos fan un exame previo para exercelo”. Ademais insistiu en reclamar que se acurten “os prazos xurídicos para que non se retrasen sentenzas” relativas a delitos por discriminación. “Queremos non ter que pedir, como na famosa canción de Juanes, un segundo máis de vida para ver recoñecidos os nosos dereitos”, engadiu Juan Martínez.
Entradas relacionadas
