Ana, Rocío e Guillermo comezan a traballar en dúas empresas da cidade de Vigo
Tamara Carballa Currás, unha moza coa síndrome de Down de Vigo, é unha das integrantes do selecto grupo de estudantes de toda Galicia que recibiron o premio extraordinario da ESO “ao esforzo e á superación persoal”. Tamara Carballa participou no acto de entrega destes galardóns no mesmo instituto de Vigo no que cursou toda a Educación Secundaria Obrigatoria. Os premios foron concedidos pola Consellería de Cultura, Educación e Ordenación Universitaria a 40 estudantes de ensino secundario de toda Galicia, 20 ao rendemento e outros 20 ao esforzo e superación persoal. A través destes premios inténtase recoñecer tanto o rendemento académico dos estudantes que finalizan brillantemente a súa etapa de ensinanza obrigatoria, como a traxectoria daqueles que a pesar de presentar circunstancias adversas, xa sexan de índole persoal ou social, superan con éxito os estudos e son un exemplo de integración escolar. Así, póñense en valor publicamente os comportamentos excepcionais do alumnado dos niveis da educación básica, co fin de seguir avanzando na consecución dunha igualdade de oportunidades efectiva, e de procurar un ensino comprensivo e integrado.
Entradas relacionadas
