Distribuciones Froiz confía de novo no programa de Emprego de Xuntos para a campaña de Nadal
A Asociación Síndrome de Down de Pontevedra “Xuntos” e a Asociación Coordinadora de Protectoras de Pontevedra, Acopo, realizaron unha xornada de sensibilización sobre a tenencia de mascotas e a responsabilidade derivada da mesma, dirixida a 25 persoas coa síndrome de Down e discapacidade intelectual. Neste sentido, a presidenta de Acopo, Verónica Trillo, aconsellou unha análise previa sobre o desexo de ter unha mascota, así como as circunstancias de quen a vai coidar para escoller o tipo de mascota máis conveniente para cada persoa e situación. Fixo fincapé, ademais, nas responsabilidades e obrigas que esixe o ter unha mascota como provela de microchip, rexistrala debidamente e velar pola súa correcta saúde, alimentación, educación e benestar. Avogou pola adopción fronte á compra, e pola esterilización tanto de machos como de femias para evitar a proliferación excesiva e os abandonos. Esta xornada de sensibilización enmárcase no traballo colaborativo que Xuntos realiza con outras entidades da súa contorna, co obxectivo último de fomentar a participación das persoas coa síndrome de Down e discapacidade intelectual en todos os eidos da sociedade de xeito visible e normalizado.
Entradas relacionadas
