Fundación Ibercaja colabora co programa Emprego Con Apoio para a inserción laboral das personas coa síndrome de Down
Esta é unha das principais conclusións acadadas na xornada de formación dirixida ao equipo profesional de Down Galicia, co obxectivo de facilitar a promoción efectiva da autonomía e da autodeterminación das persoas coa síndrome de Down e discapacidade intelectual. Esta acción formativa foi impartida por Fausto García Rey, director de recursos de relacións internas na Asociación Bata e formador de referencia en Procesos de Planificación Persoal, e contou coa participación de preto de 35 profesionais das sete entidades Down membro da Federación autonómica. Entre os aspectos tratados na formación, abordouse o papel que xoga o sistema de crenzas e estereotipos do círculo persoal e social das persoas coa síndrome de Down e discapacidade intelectual, en relación á súa emancipación e vida independente. Neste sentido, traballouse na identificación de medos, obstáculos e actitudes de sobreprotección que concorren no círculo próximo das persoas con discapacidade intelectual, desde a súa propia familia, os equipos profesionais das entidades Down, e os demais axentes sociais da súa comunidade. A partires desta análise, profundouse na necesidade de xerar experiencias e oportunidades de emancipación e independencia, de fortalecer ás persoas e de desenvolver as súas competencias. Entre as ferramentas clave á hora de potenciar a súa autodeterminación incidiuse na necesidade de involucrar ás persoas con discapacidade intelectual en situacións nas que deban elixir, tomar decisións, planear obxectivos, resolver problemas, defenderse e ser máis independentes. Nesta formación tamén se traballou sobre experiencias reais, a través dunha conexión vía skype, con parte do equipo técnico da Rede de Vivendas de Bata, que explicaron os recursos empregados e o funcionamento das mesmas.
Entradas relacionadas
