Down Galicia contrata 9 profesionais para postos técnicos da Federación ao abeiro dos Programas de Cooperación 2021-2022
A Fundación Luis Tilve outorgou a Down Galicia o Premio “Traballo Digno” 2013 por constituír, a través do programa Emprego con Apio, unha referencia do que debe ser un traballo digno para todos, axudando a unha mellor inclusión social do colectivo de persoas que representa. Na mesma edición tamén resultaron galardoados a Asociación Equus Zebra, na categoría de “Acción Solidaria”; o Grupo de Investigación Persoa-Ambiente na categoría “Defensa do Medio Ambiente e dos Bens Comúns”; e o documental O milagre de Ferrol. Unha historia da construción naval na categoría “Investigación e Divulgación Histórica”. Os premios, cuxo xurado estivo presidido por Fernando González Laxe, teñen por obxecto poñer en valor iniciativas encamiñadas a frear a ofensiva privatizadora dos bens públicos, por considerar que conduce a unha sociedade empobrecida, dualizada, coas liberdades mermadas, e a propia democracia limitada e ameazando ao estado moderno de impotencia para facer fronte aos problemas actuais.
Entradas relacionadas
