O Auditorio de Ferrol, acollerá o 21 de marzo a partir das 19:00 horas, os actos do Día Internacional da Síndrome de Down e a Gala do XX aniversario da Asociación para a síndrome de Down de Ferrol “Teima”.  Nesta edición entregaranse os primeiros I Premios Down Galicia, co obxecto de recoñecer o labor a prol da promoción da autonomía e igualdade das persoas coa síndrome de Down, realizado tanto por institucións e entidades como por persoas particulares. Acto institucional Neste Día Mundial, as verdadeiras protagonistas serán as persoas coa síndrome de Down, que se farán cargo da presentación do acto e farán oír a súa voz a través da lectura do Manifesto pola Autonomía Persoal . Serán as as encargadas, ademais, de entregar os Premios Down Galicia que, nesta primeira edición recaen en María Ferreiro, a primeira xerente de Down Galicia, na categoría de persoa individual; e en Alcampo Ferrol, pola súa aposta pola inclusión laboral das persoas con discapacidade, na categoría institucional. No acto tamén intervirán o alcalde de Ferrol, José Manuel Rey Varela,  a conselleira de Traballo e Benestar, Beatriz Mato Otero e os presidentes de “Teima”, Patricia Serantes Castro, e de Down Galicia, Delmiro Prieto González. Gala aniversario A continuación, e para  celebrar o XX aniversario de Teima, a xornalista Belén Baños e o showman Pepe Capelán, acompañados por mozos e mozas de Teima, presentarán unha gala musical. Entre os artistas convidados destacan  Rosa Cedrón, Pulpiño Biascón, Cristina Cachaldora, Dance Fusión, Dani Rios, Débora Silva, Enrique Ramil, Shakti Danza, Tita Lijo e Xavier Lorenzo. Exposición O hall do Auditorio acollerá a exposición da liña de roupa e xoias deseñada por mozos e mozas de Down Vigo en colaboración co grupo de deseñadores La Boîte Is. Trátase dunha iniciativa de sensibilización na que as persoas participantes demostran o seu talento e capacidade de traballo dando forma  a unha colección cun forte sentido do estético, práctica e divertida . Ademais das prendas e das xoias, tamén se poderá coñecer como foi o proceso creativo a través dunha exhibición fotográfica. A entrada  a este evento será gratuíta. Enderezo: Auditorio Municipal de Ferrol. Barrio de Caranza. Rúa Tejereas. COMO CHEGAR Para consultar o programa completo prema aquí.