Fundación Ibercaja colabora co programa Emprego Con Apoio para a inserción laboral das personas coa síndrome de Down
A Fundación Solidaridad Carrefour, no marco da “XI Convocatoria de Ayudas”, donou 30.000 euros a Down Galicia para o desenvolvemento dun programa de apoio á inclusión escolar de alumnos coa síndrome de Down. Down Galicia é unha das seis entidades seleccionadas este ano para recibir esta axuda. Membros do Padroado da Fundación Solidaridad Carrefour fixeron entrega dun cheque por valor da cantidade doada, nun acto celebrado en Madrid. O obxectivo principal deste proxecto é dispoñer de aulas interactivas completas e funcionais para utilizalas como ferramenta audiovisual nos procesos de ensinanza e aprendizaxe das persoas coa síndrome de Down e/ou discapacidade intelectual. En total, 186 nenos e mozos de entre tres y 18 anos de toda Galicia serán os beneficiarios directos deste programa. As aulas interactivas baséanse na necesidade de aplicar estratexias educativas que se desenvolvan en formato visual e permitan interactuar ao alumnado, xerando maior recepción e interese por parte do colectivo de persoas con discapacidade intelectual. Deste xeito, mellóranse os procesos de ensinanza e aprendizaxe e o desenvolvemento cognitivo do alumnos. Ditas aulas utilizan dispositivos tecnolóxicos con conexión a Internet e estacións de traballo individuais, que favorecen unha atención personalizada, centrada no usuario, no traballo en equipo e na aprendizaxe cooperativa e significativa. O uso do ordenador e dos medios audiovisuais facilita a individualización da intervención educativa, xa que permite adaptarse ás características persoais, debido a que este material ofrece gran versatilidade e flexibilidade, ademais de contrarrestar as dificultades de motivación e fatiga. Os alumnos coa síndrome de Down aprenden mellor con estratexias metodolóxicas axustadas ao seu estilo de aprendizaxe. Está demostrado que lles resulta más sinxelo aprender se a información lles chega por medio da vista que a través do oído, o que lles permite superar as dificultades que soen presentar á hora de xeneralizar, clasificar, comprender conceptos, memorizar ou desenvolver o razoamento matemático.
Entradas relacionadas
