Celebrada una nueva edición del Campeonato de Baristas Down de Galicia
Coñecer ao seleccionador español de fútbol, Vicente del Bosque, era un dos soños dos mozos da Fundación Down Compostela, Juan Carlos Castiñeiras e Alex Lado. Conseguíreno grazas ao programa “Desexos cumpridos” da Televisión de Galicia, cuxa finalidade é cumprir algúns dos soños dos convidados ao espazo televisivo. Encontráronse con Del Bosque na Ciudad del Futbol de Las Rozas, lugar de adestramento e concentración da selección nacional de fútbol. Alí, os dous mozos puideron compartir co seleccionador unha distendida conversa sobre fútbol, na que o preparador nacional lles detallou algúns dos segredos para que a selección se proclamara campioa do mundo e de Europa de forma consecutiva. Durante a conversa, Juan Carlos e Álex comentaron a Del Bosque cales son os seus xogadores favoritos, e incluso fixeron apostas sobre quen serían os convocados polo técnico para o próximo mundial de fútbol que terá lugar en Brasil este verán. Os mozos tamén tiveron a oportunidade de intercambiar uns pases co seleccionador, quen se mostrou moi interesado en ver en directo como realizaban lanzamentos a porta. Futbolistas e cafeteiros A iniciativa para que os dous mozos viaxasen ata a capital para coñecer a Del Bosque partiu da empresa Cafento, que contactou co programa despois de ter participado no II Campionato de Baristas Down de Galicia, con mozos e mozas de Down Compostela e de Down Vigo. Esta é unha iniciativa singular no mundo, xa que se trata do único campionato desta especialidade dirixido a persoas con trisomía 21 e que tivo gran repercusión en numerosos países. Juan Carlos e Álex estiveron entre os gañadores de dita competición, e por iso foron os seleccionados por Cafento para facer o seu soño realidade. Antes de viaxar a Madrid, Juan Carlos e Álex participaron no plató do programa Desexos Cumpridos. Acompañados polo que foi o seu monitor durante os cursos de formación, Diego López, os dous mozos demostraron ante as cámaras de TVG as súas habilidades como baristas e non dubidaron en preparar un expreso. Na súa visita ao Plató 1000, onde se gravou o último programa da tempada de Desexos Cumpridos, Juan Carlos e Ález coincidiron co afamado restaurador galego Pepe Solla (unha estrela Michelín), que estaba contribuíndo a cumprir o soño de María e Carlos, dous estudantes de cociña no Instituto Lamas de Abade de Santiago.
Entradas relacionadas
