Ambas entidades asinaron un convenio de colaboración para promover a inserción laboral na empresa ordinaria das persoas coa síndrome de Down e outras discapacidades intelectuais. Grazas a este acordo, 10 mozos e mozas da asociación viguesa recibirán formación pre laboral e realizarán prácticas en distintas empresas co obxectivo de conseguir un contrato de traballo. O convenio enmárcase dentro do proxecto “Empregabilidade Down” impulsado por Down España e Fundación Barclays, un completo programa de actuacións e accións formativas cuxo obxectivo é fomentar a promoción da autonomía persoal e apoiar a inserción laboral deste colectivo a través da metodoloxía de Emprego con Apoio. Isto realízase a través da figura do Preparador Laboral, que forma ao traballador no mesmo posto de traballo, liberando ao empresario deste labor. Os usuarios do programa terán a oportunidade de ter titorías individuais nas que se lles orientará e ofrecerá asesoramento á vez que se adestrarán as súas habilidades e a motivación cando existe o desánimo na busca de emprego. Trátase de definir os obxectivos profesionais, descubrir os propios recursos e a forma máis eficaz de utilizalos. Por outro lado realizaranse varios talleres de preparación de entrevistas para os usuarios que queiran incrementar as súas posibilidades de éxito nas entrevistas de selección. Neles aprenderán, técnicas, estratexias e recursos a poñer en xogo en situacións reais. Como complemento a esta formación profesional dotarase aos usuarios dunha formación integral complementaria que os habilite na adquisición do maior grao de autonomía orientada a desempeño dun posto de traballo a través de 3 programas.

1. Un programa de habilidades sociais con toda una serie de recursos e estratexias directamente vinculadas coa necesidade de establecer e manter unhas adecuadas relaciones interpersoais.
2. Un programa de Tecnoloxías da Información e Comunicación, que irá dirixido a facilitarlles o acceso aos diferentes servizos tecnolóxicos implantados na sociedade: acceso a Internet, uso do computador, acceso a redes bancarias informatizadas, comunicación a través da telefonía móbil ou fixa, realización de consultas en organismos públicos, programación e uso da televisión e DVD etc.
3. Por último, un programa de autonomía, no que se traballarán estratexias e recursos que lles permitan participar como cidadáns activos na sociedade e nas áreas de autonomía urbana (medios de transporte, orientación na cidade, etc), autonomía persoal (aseo e coidados, vestido, etc.) e manexo do diñeiro (compras, xestión do salario..). Nesta última acción formativa, contarán coa participación de voluntariado de Fundación Barclays, sendo unha oportunidade excelente de colaboración para a adquisición de determinadas habilidades de autonomía como o uso do caixeiro automático, uso de tarxetas de crédito, apertura de contas, etc.