BBVA Asset Management achega 35.000 euros a Down Ourense para o impulso da educación inclusiva
A Asociación Down Ourense acaba de lanzar unha campaña de crowdfunding para obter fondos para acondicionar parte das novas instalacións, ás que prevé trasladarse no último trimestre do ano. Os cartos recadados destinaranse a dotar as aulas de formación do mobiliario básico para continuar desenvolvendo a labor educativa e de aprendizaxe necesaria para que as persoas coa síndrome de Down poidan optar a un futuro de autonomía e independencia. A campaña estará activa na plataforma migranodearena.org ata finais de outubro, de forma que calquera persoa que o desexe poderá realizar a súa achega a través desta páxina. Neste sentido, a presidenta de Down Ourense, Mara Prieto indicou que “buscamos a solidariedade de aquelas persoas que desexan axudarnos a continuar co noso labor, asegurando a continuidade do noso proxecto e contribuíndo ao futuro do colectivo que representamos”. Down Ourense experimentou un importante crecemento nos últimos anos, tanto en número de persoas usuarias como en servizos e programas, polo que agora se ve na necesidade de trasladarse a unhas instalacións máis adecuadas. “As novas instalacións permitirannos seguir traballando para que as persoas coa síndrome de Down e discapacidade intelectual poidan estudar, traballar e desenvolver o seu proxecto de vida en igualdade de condicións que o resto da sociedade” asegurou Mara Prieto durante a presentación da campaña. Para conseguir estes obxectivos, Down Ourense presta apoio en atención temperá, logopedia, reforzo escolar, formación e busca activa de emprego, inserción laboral na empresa ordinaria, e en programas de vida independente e emancipación do fogar familiar. As novas instalacións, que se prevé estean acondicionadas no outono, están s na zona de As Lagoas, nun baixo de 200 metros cadrados no que antes se situaba unha oficina de Caixanova. Ligazón á campaña de Down Ourense en migranodearena.org: http://www.migranodearena.org/es/reto/4059/aula-de-formacion-para-jovenes-con-sindrome-de-down/
Entradas relacionadas
