Un estudo lanza importantes conclusións sobre as consecuencias psicosociais da pandemia entre os mozos e mozas coa síndrome de Down
A Federación española considera que a negación de educación inclusiva para Rubén, un neno coa síndrome de Down, é un claro exemplo de regresión no ámbito da inclusión e unha proba evidente da vulneración que sigue existindo en materia de dereitos fundamentais para as persoas con discapacidade en España. Por outra banda, que a Fiscalía impute aos pais un delito de abandono familiar por negarse a que o seu fillo sexa escolarizado nun centro de educación especial e por defender o seu dereito a unha educación inclusiva, é para a organización algo absolutamente inaceptable. Down España considera que o Estado español non está respectando a Convención dos Dereitos das Persoas con Discapacidade da ONU que ratificou en 2008 e que recoñece no seu artigo 24 que “os Estados asegurarán un sistema de educación inclusivo a todos os niveis para as persoas con discapacidade”. Esta Convención foi aprobada por unanimidade polo Parlamento español e é de obrigado cumprimento ao ter rango de tratado xurídico internacional de Dereitos Humanos. A organización, que representa e defende os dereitos das 35.000 persoas coa síndrome de Down que viven en España, considera en palabras de su Presidente, José Fabián Cámara, que no caso de Rubén “se está cometendo unha grave inxustiza”. “No Estado español se está negando un dereito fundamental a un neno coa síndrome de Down e loitaremos ata o final para que a igualdade de oportunidades para as persoas coa síndrome de Down sexa una realidade”, manifesta. Cámara advirte que “este asunto transcende ao caso concreto pois trátase dunha loita pola defensa dun dereito fundamental dun neno coa síndrome de Down e por iso é de vital importancia para nós”. “Detrás de Rubén estamos moitísimas familias que nos vemos reflectidas nesta situación e que loitaremos para que os nosos fillos teñan os mesmos dereitos que os demais”, explica. A loita de Rubén por volver ao colexio Alejandro Calleja, pai do menor, leva tres años tratando de que o seu fillo poida acudir a un colexio ordinario. Rubén acudía desde pequeno a un colexio con alumnado sen discapacidade e estaba moi integrado. Ata que no ano 2009 o neno comezou a ter os primeiros problemas, pois o seu profesor titor non o aceptaba na clase. Foi entón cando a instancias dese mesmo profesor, se solicitou un informe que determinou que debería acudir a un centro de educación especial. Tanto a familia como o psicólogo Miguel Ángel Castañón, que atende a Rubén desde o seu nacemento, cuestionan estes informes técnicos. Ao final a Delegación Territorial de Educación de León decidiu, sen consultar aos pais, derivar a Rubén a un Centro de Educación Especial. Estes negáronse ao considerar “que nese centro o noso fillo ía sufrir unha regresión importante. Por iso Rubén leva tres años aprendendo na casa, porque non nos deron outra solución e porque queremos loitar polo dereito do noso fillo a estudar en inclusión”, explica seu pai. Un longo proceso xudicial que acaba en Estrasburgo A familia presentou batalla primeiro de palabra e despois por escrito ante a administración educativa e ante a xurisdición contenciosa. O Tribunal Superior de Justicia de Castilla y León admite na súa sentenza que efectivamente, a situación no centro non foi a adecuada ás necesidades do menor e que faltou colaboración por parte do profesorado. Fai pouco coñecíase a noticia que de que o Tribunal Constitucional pechou as portas ao caso, non admitindo a trámite o recurso dos pais de Rubén, que pedían que se garantise o dereito do seu fillo á educación inclusiva apelando aos artigos 27 e 14 da Constitución Española así como á citada Convención sobre os Dereitos para as Persoas con Discapacidade. O Alto Tribunal era o penúltimo chanzo nunha longa loita xudicial que comezou en León no ano 2011 e que nestes momentos se prepara para librar a súa última batalla na máxima autoridade xudicial para a garantía dos Dereitos Humanos e liberdades fundamentais en Europa, o Tribunal dos Dereitos Humanos de Estrasburgo. A esta Corte Europea, lévanse casos nos que se teñan esgotado sen éxito os recursos xudiciais dispoñibles nun Estado. Neste caso, os pais de Rubén presentarán unha denuncia contra o Reino de España por violación de dereitos fundamentais.
Entradas relacionadas
