O sábado 28 de xuño, ás 20:30 horas no Auditorio Municipal Gustavo Freire, o Grupo de Teatro de Down Lugo estreará a obra “Dimes y Diretes”. Unha nova produción que, nesta ocasión, contará coa participación dun grupo de familiares e profesionais da entidade, que se suman aos 15 mozos e mozas coa síndrome de Down e discapacidade intelectual. Deste xeito, Down Lugo ofrece un ano máis a súa representación teatral inclusiva, na que teñen cabida tanto persoas con como sen discapacidade. O obxectivo é amosar as aptitudes artísticas e creativas de todo o elenco, así como o esforzo e a capacidade de traballo para desenvolver e representar un proxecto de este tipo. Tanto as entradas para ver a obra como para a fila 0 poderán mercarse anticipadamente no local de Down Lugo a un prezo de 3 euros.