Down Galicia contrata 9 profesionais para postos técnicos da Federación ao abeiro dos Programas de Cooperación 2021-2022
A Fundación Mapfre achegou 5.000 € ao proxecto formativo denominado “Formación teórico-práctica de personas coa síndrome de Down no sector agrario e servizos” que puxo en marcha Down Galicia en colaboración coas súas entidades membro. Este proxecto constaba de 6 modalidades diferentes segundo o perfil profesional impartido nas localidades nas que se executou, de forma que en Santiago de Compostela ofreceuse o curso “Introdución á horticultura e ao viverismo”, na A Coruña “Operaciones auxiliares de servicios administrativos e xerais”, en Ferrol “Axudante de xestión e servizos comúns”, en Pontevedra e Lugo “Operario de reposición e almacenaxe”, e en Vigo “Operario de actividades de procesamento”. Así, en virtude desta axuda, un total de 75 persoas coa síndrome de Down e discapacidade intelectual puideron participar nestas formacións para mellorar as súas posibilidades de inserción laboral e social. Este proxecto foi deseñado para que a formación se adecúe ás súas necesidades de ensinanza-aprendizaxe, atendendo moi especialmente ás súas características cognitivas co fin de que cada un dos alumnos obteña a máxima rendabilidade no proceso formativo. As personas participantes nesta formación puideron adquirir as competencias xerais e específicas nun determinado perfil profesional para desempeñar con calidade un posto de traballo. Ademais, este proyecto da continuidade ao itinerario formativo das entidades membro de Down Galicia, axustándose ás necesidades e intereses dos diferentes grupos de usuarios que están distribuídos por toda a Comunidade Autónoma, e facilitándolles un abano amplo de perfís profesionais ns que se poidan especializar.
Entradas relacionadas
