BBVA colabora na promoción da vida autónoma e independente das persoas coa síndrome de Down
EAPN-Galicia, a Coordinadora Galega de ONG para o Desenvolvemento e o CERMI Galicia agardan que o banco que sucede as antigas caixas galegas non aposte pola desaparición dos orzamentos destinados á obra social. Desde as tres principais plataformas das ONG galegas xa se manifestara esta preocupación ao presidente da Xunta o pasado mes de novembro e aos propios directivos de Banesco e Banco Etcheverría. Daquela, a resposta fora un “compromiso cun investimento sociocultural firme,estable e sostible no tempo ” e que cando a nova xestión se fixera efectiva tería lugar unha xuntanza para coñecer de primeira man cales van ser as liñas mestras no referido á obra social. Agora, agárdase que esta xuntanza sexa convocada nas vindeiras semanas. Este compromiso supón unha razón para o optimismo, que se une ao feito concreto de asegurar un financiamento mínimo anual de 5 millóns de euros para a nova Fundación Galicia Obra Social, que deste xeito garante o seu futuro inmediato, tal e como se reclamaba desde o sector solidario galego. De todos os xeitos, estas mesmas entidades lamentan que no padroado da Fundación Galicia Obra Social non estea prevista a presenza de representantes do Terceiro Sector organizado galego, o que melloraría substancialmente a súa eficiencia e transparencia. Só no 2012 as ONG galegas integradas nas tres plataformas beneficiaron a mais de 450000 persoas en risco e pobreza ou exclusión social. Unha das claves do percorrido das caixas e o que explica a súa historia foi e sigue sendo (ata o día de hoxe) a súa obra social. Só no ano 2010 a obra social das caixas galegas investiu máis de 83 millóns de euros en diversas actuacións, organizou máis de 7.500 actividades en distintos concellos de Galicia para miles de persoas en situación de pobreza, maiores ou con discapacidade. Por todo isto, as ONG galegas, reclaman un compromiso firme e sen fisuras por parte de Abanca non só para que asegure os criterios de banca que dea servizo as persoas e as empresas senón para que continúe o labor social das caixas.
Entradas relacionadas
