Fundación Ibercaja colabora co programa Emprego Con Apoio para a inserción laboral das personas coa síndrome de Down
As axudas que convoca a Consellería de Educación para que as familias con menos recursos poidan adquirir os libros de texto en educación especial, primaria e secundaria non inclúen no presente exercicio a adquisición de ningún tipo de material escolar. Tan só hai unha excepción, que é no caso de que o alumno ou alumna teña recoñecido un grao de discapacidade do 65% ou máis. Deste xeito, unha gran porcentaxe das familias con menos recursos que teñen un fillo ou filla con dificultades cognitivas quedan excluídas destas axudas. A realidade do alumnado coa síndrome de Down e con discapacidade intelectual é que non soen utilizar os libros que lle corresponden por curso, senón que teñen que traballar os obxectivos curriculares de dito curso a través de material adaptado. Unha circunstancia que se une a que o grao de discapacidade que soen ter recoñecido non chega ao 65% cando están na etapa escolar polo que, de facto, non poden optar a estas axudas. A propia orde de axudas nomea na súa introdución a Lei orgánica 2/2006 do 3 de maio que recolle no seu artigo 83 o establecemento de bolsas e axudas ao estudo para garantir a igualdade no exercicio do dereito á educación. Sen embargo, dáse o paradoxo de que a aplicación real da orde de axudas da Consellería vulnera ese mesmo plantexamento, excluíndo a parte do alumnado e negándolle a igualdade de oportunidades e condicións. Desde a Federación Down Galicia instase á Consellaría de Educación a que revise os criterios para acceder a estas axudas e que contemple as circunstancias específicas do alumnado coa síndrome de Down e discapacidade intelectual.
Entradas relacionadas
