O Centro Comercial Ponte Vella acolle ata o 29 de novembro a exposición fotográfica “Conta Comigo” da Asociación Down Ourense, na que se basea a selección de fotos realizadas para o seu calendario solidario 2015. A exposición, que está colocada na segunda planta do Centro Comercial, trata de achegar con normalidade a vida cotiá e a contorna das persoas coa síndrome de Down a todo tipo de públicos. O título “Conta Comigo” fai referencia á filosofía de traballo das entidades Down, que ofrecen os apoios necesarios que a persoa coa Síndrome de Down ou discapacidade intelectual teña unha inclusión real en todos os ámbitos da vida e desde unha perspectiva de normalización, coma calquera outra persoa. Os fotógrafos colaboradores nesta ocasión foron Juan Louro, Mercedes López Rubín, Mani Moretón, Emilio Romanos e Eva Conde Gil. A partires destas fotografías realizáronse 1.250 calendarios de parede e 1.250 de sobremesa, que se venderán por un importe de 5 € e cuxos beneficios se destinarán aos programas de promoción da autonomía persoal que desenvolve Down Ourense. Este ano as empresas patrocinadoras son Hispamoldes, Dantone, Angelo Milano, Centro Comercial Ponte  Vella, Intersport Bouso, Rivela, Bermello, Envialia, Aceites Abril, Correos Express, Gasocentro San Fiz e Imgrafor.