Excelentes resultados dos mozos e mozas de entidades Down nas probas de Competencias Clave
Sabela, unha moza de 25 anos e membro de Down Lugo, vén de acadar o seu primeiro contrato indefinido, dándose a particularidade de que tamén é o seu primeiro contrato laboral. A empresa na que traballa é un laboratorio especializado na realización de ensaios químicos e físicos, e o seu posto corresponde a auxiliar de servizo. Sabela ocúpase, fundamentalmente, de realizar tarefas de apoio nas áreas administrativa e de analíticas, en función das necesidades derivadas da carga de traballo. Sabela conseguiu a súa primeira oportunidade laboral grazas ao programa de Emprego con Apoio que en Galicia levan a cabo todas as entidades Down desde o ano 2.002. O programa, que mantén bos resultados de inserción a pesar da crise, está orientado a facilitar que as persoas con discapacidade encontren emprego en empresas ordinarias. Para que estas insercións sexan efectivas cóntase coa figura de un preparador o preparadora laboral (profesional que se encarga de ensinar á persoa con discapacidade no posto de traballo), e que non supón custe algún para a empresa. Este tipo de apoio en no posto é gradual e vaise retirando ata desaparecer por completo a medida que a persoa con discapacidade vai adquirindo autonomía nas tarefas propias do seu posto. É preciso resaltar que a participación e, cada vez maior presenza das persoas con discapacidade intelectual nas empresas ordinarias contribúe de forma eficaz a desterrar os tópicos que tradicionalmente se lles atribúen, resultando un modo sumamente eficaz de integración social. Contribúe, así mesmo, a propiciar un cambio de visión, de persoa con discapacidade a traballador ou traballadora, constatándose unha importante implicación dos compañeiros e compañeiras de traballo na aceptación da diversidade.
Entradas relacionadas
