Xa podes anotarte no obradoiro “Compartindo miradas sobre a educación”, encontro entre familias e profesionais
A Deputación de Ourense, colabora con Down Galicia cunha achega económica de 4.500 euros para o proxecto “Unha escola para todos: inclusión educativa de alumnos coa síndrome de Down e discapacidade intelectual”. Este proxecto beneficia directamente a un total de 17 alumnos e alumnas coa síndrome de Down e ten por misión promover e facilitar a súa inclusión escolar nos centros educativos da provincia de Ourense, potenciando o seu desenvolvemento cognitivo, social e persoal de tal xeito que se contribúa a consolidar os coñecementos, habilidades e destrezas que favorecen a súa plena integración. Para acadar estes obxectivos, empregouse unha metodoloxía baseada na aprendizaxe cooperativa, mediante a que se potencia a creación dun sistema de axuda mutua entre compañeiras e compañeiros, para favorecer a compensación entre as habilidades e necesidades de cada alumno. Paralelamente, realizáronse sesións de reforzo educativo na entidade Down, combinando sesión individuais e en grupo, e promoveuse o uso de dispositivos audiovisuais e interactivos, que xeran maior recepción e interese por parte do alumnado coa síndrome de Down e mellora notablemente o seu proceso de ensinanza e aprendizaxe. 
Entradas relacionadas
