Down Galicia contrata 9 profesionais para postos técnicos da Federación ao abeiro dos Programas de Cooperación 2021-2022
A conferencia, que leva por título “LOMCE, unha carreira de obstáculos para unha educación pública e de calidade” celebrarase ás 8 da tarde do mércores 4 de febreiro no Centro ABANCA Obra Social, na Praza de Cervantes de Santiago de Compostela. Federico Mayor Zaragoza, presidente da Fundación Cultura de Paz, ex director xeral da UNESCO e ex ministro de Educación, será o encargado de abordar as grandes liñas de igualdade, inclusión e calidade de educación pública en relación á Lei Orgánica para a Mellora da Calidade Educativa, aprobada co exclusivo apoio do Partido Popular. Acompañándoo estará Ruth Ramos, una moza de Vigo que é a primeira persoa coa síndrome de Down que forma parte da Xunta Directiva de Down España, na que desempeña ol cargo de vogal desde o pasado mes de abril. Esta conferencia estará aberta ao público en xeral debido á importancia que a aplicación da LOMCE conleva para toda a sociedade, por canto supón de cambio de modelo educativo e de valores. Así, os cambios máis relevantes non afectarán só ao alumnado, senón que tamén transformarán o papel que desempeñan as familias neste novo sistema, os equipos docentes e os propios centros educativos. Coa celebración deste acto, Down Galicia continúa coa súa defensa dunha educación pública e de calidade na que teña cabida todo tipo de alumnado e se respecten e atendan as necesidades específicas de cada alumno ou alumna, tal e como obrigan a Constitución Española e os tratados internacionais de dereitos humanos ratificados polo Estado español. 
Entradas relacionadas
