Down Galicia concéntrase polo triplo crime de Valga e reclama traballar desde a educación para frear a violencia machista
O presidente da Fundación para una Cultura de Paz, Federico Mayor Zaragoza, baseou a súa conferencia sobre a LOMCE nunha contundente defensa da educación inclusiva e na necesidade de formar persoas atendendo ás súas características particulares. Mayor Zaragoza reivindicou a “necesidade de unha Educación visiblemente inclusiva, baseada en principios humanistas e non só en función dos resultados académicos”. Convidado por Down Galicia para participar na conferencia “LOMCE: unha carreira de obstáculos para unha educación pública e de calidade”, Mayor Zaragoza expresou o seu rotundo rexeitamento a esta nova norma lexislativa. “A LOMCE tipifica ao alumno en función dos seus resultados e iso é un disparate, porque se está avaliando con criterios técnicos, non humanos, e o que temos que facer é formar persoas”, afirmou o presidente da Fundación para unha Cultura de Paz. Asegurou que esta Lei “durará moi pouco, porque en canto cambie o goberno xa a cambiarán, pero dáme mágoa que todo o que se tiña avanzado en normalización e educación inclusiva estea perdido neste momento.” Neste sentido, afirmou que a LOMCE é unha Lei “cortopracista”, que substitúe a creatividade das persoas pola competitividade, e criticou que contemple avaliacións excluíntes realizadas por avaliadores externos que non coñecen ao alumnos nin a súa circunstancia. Mayor Zaragoza baseou a súa intervención na Convención Internacional dos Dereitos das Persoas con Discapacidade aprobada polas Nacións Unidas en 2006 e ratificada polo Estado español en 2008, e reprochou que España “no só non a cumpre senón que ademais lle pon pegas”. Un sistema educativo en concordancia con esta Convención sería, segundo expuxo, o que atendese a cada persoa segundo as súas propias características e a súa fisionomía particular, cunha atención personalizada, e que contribuíse á normalización de todo tipo de alumnado.
Entradas relacionadas
