Down Galicia e Clece alíanse para promover a inclusión laboral das persoas con discapacidade intelectual
Preto de 15 empresas que desenvolven a súa actividade en Ourense asistiron hoxe nesta cidade a un encontro empresarial organizado pola Fundación Mapfre. O obxectivo foi presentarlles o programa “Juntos Somos Capaces”, que leva a cabo esta entidade desde 2010 co fin de promover a formación ocupacional e a inserción laboral de persoas con discapacidade intelectual e enfermidade mental. Durante o encontro, que foi posible grazas ao apoio da Cámara de Comercio de Ourense e a Asociación de Síndrome de Down de Ourense (Down Ourense), convidouse ás empresas, entre elas Rodríguez López Auto, Autocares Rodríguez Carballiño e Cafés Lisboa, a que participen en dito programa, facilitando a estas persoas, en risco de exclusión social e en situación de desemprego de longa duración, prácticas laborais coas que obteñan máis oportunidades profesionais no futuro. No encontro, Iago Borges, un mozo con discapacidade intelectual de 23 anos, explicou a súa experiencia laboral no departamento de electrónica da empresa Rodríguez López Auto, co obxecto de animar aos empresarios presentes a apostar pola inclusión laboral de colectivos de persoas con menos oportunidades. Unha idea na que tamén incidiu a presidenta de Down Ourense, Mara Prieto. As empresas que se adhiran ao programa “Juntos Somos Capaces” recibirán o apoio e o seguimento necesario por parte de profesionais especializados de entidades como Down Ourense. A Cámara de Comercio de Ourense segue demostrando así o seu gran compromiso coas persoas máis vulnerables, apoiando o seu desenvolvemento profesional, a súa educación e o seu acceso ao emprego. No acto participaron Juan Carlos Parada, Presidente da Cámara de Comercio de Ourense; José Ángel Vázquez, Concelleiro de Facenda, Emprego, Limpeza Viaria e Termalismo do Concello de Orense; Rogelio Martínez, Delegado Territorial da Xunta en Ourense; e Javier Iglesias Rivada, Director da Oficina de Mapfre-Progreso.
Entradas relacionadas
