A Fundación Once colabora economicamente para mellorar o equipamento tecnolóxico de Down Galicia
No puzzle da vida encaixamos todos é o lema baixo o cal as entidades Down e La Voz de Galicia poñen á venda unha bolsa solidaria con motivo do Día Mundial da Síndrome de Down. A venda da bolsa ofrece a oportunidade a todas as persoas que o desexen de colaborar de forma directa cos programas de inclusión e autonomía persoal que desenvolven as entidades Down en Galicia. Para isto, deben reservar a Bolsa Down no seu quiosco máis próximo antes do martes 17 de marzo, para poder recollela co xornal La Voz de Galicia o sábado 21 de marzo, coincidindo co Día Mundial da Síndrome de Down. Esta campaña pretende concienciar á sociedade e permitirlle aportar o seu gran de area para que as persoas coa síndrome de Down conten con apoios e contornas adecuadas onde poidan demostrar a súa valía e crecer levando unha vida autónoma e formando parte da súa comunidade de forma visible e activa. Esta iniciativa solidaria é posible grazas á colaboración desinteresada de La Voz de Galicia e da Asociación de vendedores de prensa e rede de puntos de venda de La Voz de Galicia.
Entradas relacionadas
