Down Galicia contrata 9 profesionais para postos técnicos da Federación ao abeiro dos Programas de Cooperación 2021-2022
Neste encontro, que se celebra anualmente, o persoal dos centros colaboradores do servizo público de emprego de Galicia coñece as novidades postas en marcha pola Consellaría de Traballo, así como cuestións técnicas e loxísticas que lles poidan afectar no desenvolvemento da súa actividade profesional. A xornada, que tivo lugar no Pazo de Congresos e Exposicións de Santiago, foi presentada pola directora xeral de Emprego e Formación, Ana María Díaz, polo subdirector xeral de Empregro, Francisco Javier Pérez de Lanzós, e pola xefa do Servizo de Orientación Laboral, Teresa Bernal Cortegoso. Os representantes do departamento de Traballo aproveitaron o encontro para presentar o ‘Plan de Activación para o Emprego’ para parados de longa duración con cargas familiares e o YEI (Programa de Garantía Xuvenil), para mellorar a empregabilidade dos mozos e mozas desempregados de entre 16 e 25 anos. Down Galicia conta con dúas orientadoras laborais, que prestan servizo itinerante desde os dous Centros de servizo, situados en Santiago e Vigo, para dar cobertura á zona norte da Comunidade galega – Ferrol, Lugo, Monforte de Lemos, A Coruña, Carballo e Compostela-; e á zona sur –Ourense, Pontevedra e Vigo-. O Servizo de Orientación Laboral de Down Galicia é centro colaborador do Servizo Público de Emprego de Galicia, tendo competencias en materia de modificación de datos e actualización dos currículos dos demandantes titorizados por Down Galicia.
Entradas relacionadas
