As entidades Down consideran que a sentenza do Tribunal Supremo que declara nulo o Real Decreto 535/2013 polo que se establece a concesión de subvencións a entidades do Terceiro Sector de ámbito estatal, atenta gravemente contra o sector social en España e condenará a estas entidades á súa desaparición nun futuro próximo. As entidades de acción social estatais prestan un apoio insubstituíble ás persoas con discapacidade e ás súas familias. É por iso que esta resolución xudicial, de aplicarse, terá un efecto devastador na situación da poboación máis excluída e con maior necesidade de apoio. A realidade das persoas con discapacidade en España require de unhas estruturas estatais de apoio que coordinen, planifiquen, organicen e creen servizos destinados a cubrir as necesidades dos diferentes colectivos desde una óptica xeral, que asegure a implantación de programas que beneficien a estas persoas con independencia do territorio no que residan. En opinión da Federación de entidades Down a nivel estatal, Down España, non pode poñerse en dúbida que a política de solidariedade entre territorios establecida polo Real Decreto demostrou ser altamente beneficiosa, garantindo que a atención que reciben as persoas con discapacidade en calquera parte do territorio nacional sexa o máis igualitaria, xusta e equitativa posible. Ante esta gravísima situación que fai perigar a estabilidade dun sector consolidado desde fai décadas, Down España pide aos poderes públicos que se comprometan para garantir a continuidade dos proxectos sociais das entidades nacionais di Terceiro Sector. O presidente de Down España, José Fabián Cámara, considera que “esta resolución xudicial pon en risco a capacidade de apoio e asistencia ás persoas máis vulnerables e necesitadas do noso país, algo que é completamente inaceptable. Un conflito de competencias coas Comunidades Autónomas non pode derrubar a rede cívica de apoio social que constitúen as organizacións estatais do Terceiro Sector. Desde Down España facemos un chamamento a que os diferentes actores implicados tomen accións inmediatas de cara a solucionar esta situación”. Down España xunto co CERMI e o resto de organizacións sociais articuladas en torno á Plataforma do Terceiro Sector, despregará toda a acción de presión e incidencia política necesaria para reverter esta situación que coloca ao borde do abismo á rede cívica de apoio social creada con tanto esforzo nos últimos 30 anos en España.