A través dunha axuda de 5.000 € destinada ao proxecto formativo denominado “Formación para o emprego no sector servicios de persoas coa síndrome de Down” que puxo en marcha Down Galicia en colaboración coas súas entidades membro. Este proxecto cosntou de 5 modalidades diferentes segundo o perfil profesional impartido nas localidades nas que se executou. Desta forma, en A Coruña ofreceuse o curso “Operacións auxiliares de servizos e almacenaxe”, en Ourense  “Auxiliar de dependente de comercio”, en Pontevedra “Peón manipulativo”, en Lugo “Operario de reposición e almacenaxe”, e en Vigo “Operario de manipulados, téxtil e sector limpeza”. En virtude desta axuda, un total de 75 persoas coa síndrome de Down e discapacidade intelectual en idad laboral puideron participar nesta formación para mellorar as súas posibilidades de inserción laboral e social. A formación contemplada no proxecto constaba de 250 horas lectivas, das cuales 155 foron de carácter práctico. O proxecto deséñase para que a formación se adecúe ás necesidades de ensinanza-aprendizaxe do alumnado, atendendo moi especialmente ás súas características cognitivas, co fin de que cada un dos alumnos obteña a máxima rendabilidade no proceso formativo. As persoas participantes nesta formación puideron adquirir as competencias xerais e específicas no perfil profesional elixido, para desempeñar con calidade un posto de traballo no futuro. Ademais, este proxecto dá continuidade ao itinerario formativo das entidades membro de Down Galicia, axustándose ás necesidades e intereses dos diferentes grupos de usuarios que están distribuídos por toda a Comunidade Autónoma, e facilitándolles un abano amplo de perfís profesionais nos que se poidan especializar.