CERMI Galicia esixe que a inclusión das persoas con discapacidade comece desde a infancia
A Federación Estatal de entidades Down púxose en contacto cos partidos maioritarios que se presentarán ás vindeiras Eleccións Xerais (PP, PSOE, Izquierda Unida, Ciudadanos, Podemos, UPyD e Vox) para trasladarlles un argumentario que propón e reivindica a posta en marcha de varias iniciativas políticas que atinxen á calidade de vida das persoas coa síndrome de Down no Estado. No documento, a Federación invita aos líderes e responsables de políticas sociais destas formacións a que adquiran uns compromisos en apoio ao colectivo:
- Impulsar a interlocución e a participación civil do colectivo no deseño das políticas e a participación activa nas actuacións que lles afecta.
- Comprometerse publicamente cunha postura en pro dos Dereitos Humanos e a aplicación da Convención Internacional sobre os Dereitos das Persoas con Discapacidade.
- Promover a inclusión social das persoas coa síndrome de Down.
- Fomentar a accesibilidade ao coñecemento.
- Mellorar o coñecemento e a transparencia no relativo á síndrome de Down e a súa realidade en España.
- Aportar un sostemento económico ás organizacións que apoian ás persoas coa síndrome de Down.
Así mesmo, Down España proponlles unha batería de accións concretas (froito da análise de situacións, reivindicacións e demandas do colectivo) que poderían supoñer un cambio significativo para a vida das persoas con trisomía 21 e a súa contorna. Cada unha destas medidas está respaldada por referencias lexislativas concretas, e acompáñase de unha proposta viable para acadar a súa aplicación dunha forma eficaz e áxil. Medidas que abarcan desde a implementación do dereito ao voto e a modificación da capacidade xurídica de obrar, ata a creación dun sistema educativo inclusivo, a regulación do Emprego con Apoio, ou o fomento dos servizos de autonomía persoal e vivendas para a vida autónoma. Ademais de mandarlles este documento, Down España convidou aos candidatos de cada partido a manter unha xuntanza na que expoñerlles detalladamente estas propostas e invitalos a que as fagan súas e as incorporen ao seu programa electoral de cara ás Eleccións Xerais. Documento completo “Propuesta política en defensa del síndrome de Down para la legislatura 2015 – 2019”
Entradas relacionadas
