Fundación Ibercaja colabora co programa Emprego Con Apoio para a inserción laboral das personas coa síndrome de Down
Down Galicia faise eco do chamamento público que Down España fai ás familias interesadas en acoller ou adoptar a menores que se atopan á espera de encontrar un fogar, e quere poñelas sobre aviso dun caso especialmente urxente. Trátase dun menor que naceu no 2009, polo que ten unha idade que non se corresponde co perfil que habitualmente demandan as familias: nenos con asta os tres anos de idade. O menor vive actualmente nun centro tutelar onde precisa o apoio dunha terceira persoas de forma continuada. Por iso Down España solicita unha familia adoptiva ou de acollida que lle proporcione unha contorna na que poida medrar coa estabilidade emocional e a seguridade que calquera neno precisa. As familias interesadas en ampliar información poden contactar con Down España a través do teléfono 91 716 07 10 (L-V de 10 a 14h), preguntando pola responsable do programa “Padres que Acogen”, ou no correo electrónico pqacogen@sindromedown.net. Programa “Padres que acogen” Down España ten en marcha desde 2007 o proxecto “Padres que acogen”, cuxo obxectivo fundamental é garantir a todos os menores coa síndrome de Down, tutelados por distintas Comunidades Autónomas, o dereito a vivir nunha familia (recoñecido no artigo 23 da Convención sobre os Dereitos das Persoas con Discapacidade da ONU). A través deste proxecto, ofrécese ás familias:
- Información sobre o proceso de acollemento e adopción de menores coa síndrome de Down.
- Derivación aos organismos públicos de protección de menores.
- Atención ás familias e aos menores a través das súas 88 asociacións e fundacións federadas en todo o territorio estatal.
Guía sobre o programa “Padres que acogen”.
Entradas relacionadas
