A Asociación Down Pontevedra “Xuntos” e a Sociedade Deportiva Teucro asinaron estes días un novo convenio de colaboración mediante o cal incorporarán ao seu equipo de traballo a un usuario da entidade. Desta maneira, Miguel Pérez realizará durante toda esta tempada as súas prácticas laborais como masaxista do equipo pertencente á Liga Asobal, “con posibilidade de renovar”, segundo explica o presidente do conxunto pontevedrés, Carlos García-Alén. Miguel conta con experiencia para esta nova etapa, xa que traballou durante tres anos no Centro de Recuperación Torrado. Ademais, ten formación en quiromasaxe terapéutico e deportivo, quiromasaxe superior e masaxe de lesións deportivas. Foto: CAPOTILLO / La Voz de Galicia